دھند کے باعث علامہ اقبال انٹرنیشنل ایئرپورٹ پر پروازوں کا شیڈول متاثر
صوبہ پنجاب کے میدانی علاقے غیر معمولی دھند کی لپیٹ میں ہیں جس کے باعث علامہ اقبال انٹرنیشنل ایئرپورٹ پر پروازوں کا شیڈول جزوی طور پر متاثر ہے۔
ڈان نیوز ٹی وی کے مطابق ترجمان پی ڈی ایم اے کا کہنا ہے کہ رواں ہفتے پنجاب کے میدانی علاقوں میں دھند چھائے رہنے کا امکان ہے، بہاولپور ،ساہیوال،اوکاڑہ،قصور ،لاہور ،سیالکوٹ،نارروال اور گجرانوالہ کے علاقے دھند کی لپیٹ میں رہیں گے۔
دوسری جانب دھند کے باعث علامہ اقبال انٹرنیشنل ائیرپورٹ پر پروازوں کا شیڈول جزوی متاثر ہوگیا، اندرون اور بیرون ملک روانگی کی 9 پروازیں تاخیر کا شکار ہیں۔
اس کےعلاوہ دھند کے باعث بیرون اور اندرون ممالک سے آنے والی پانچ پروازیں بھی لاہور لینڈ نہ کرسکیں، ریاض ، جدہ، ٹورانٹو اور دوبئی کی پروازیں تاخیر کا شکار ہیں۔
مسقط، اورومچی، ریاض اور جدہ کی پروازوں کو لاہور آمد میں تاخیر کا سامنا ہےجبکہ ائیر پورٹ پر جہازوں کو موسمیاتی وارننگ جاری کردی ہے۔
لائیو ٹی وی