ایم ڈی کیٹ میں بے قاعدگیوں کا معاملہ: سندھ ہائیکورٹ نے درخواستیں مسترد کردیں
میڈیکل اینڈ ڈینٹل کالج ایڈمیشن ٹیسٹ (ایم ڈی کیٹ) میں بے قاعدگیوں کے مقدمے کی سماعت کرتے ہوئے سندھ ہائی کورٹ نے دلائل سننے کے بعد درخواستیں مستردکردیں۔
ڈان نیوز کے مطابق چیف جسٹس سندھ ہائی کورٹ نے بتایا کہ درخواستیں مسترد ہونے کی وجوہات بعد میں جاری کی جائیں گی ، ایڈیشنل ایڈووکیٹ جنرل سندھ کا کہنا تھا کہ گیس پیپر لیک ہوا تھا اوریجنل پیپر لیک نہیں۔
درخواست گزرا کے وکیل نے کہا کہ 12،12 لاکھ روپے کا پیپر فروخت ہوا ہے ، بالکل وہی پیپر تھا جو لیک ہوا، چیف جسٹس سندھ ہائی کورٹ کا کہنا تھا کہ 41 ہزار لوگوں نے ٹیسٹ دیا تھا 100 لوگوں نے فائدہ اٹھایا ہوگا، آپ کیا چاہتے ہیں بچوں کا ایڈمیشن نا ہو وہ نا پڑھیں ؟
وکیل نے جواب دیا کہ ہم چاہتے ہیں میرٹ پر داخلے ہوں، چیف جسٹس سندھ ہائی کورٹ نے برہمی کا اظہار کرتے ہوئے کہا کہ بچوں کو بے وقوف بنانے کی باتیں نہ کریں، لوگوں کا اعتماد خراب ہورہا ہے، پیپر کہاں لیک ہوا ہے وہ بتائیں؟
وکیل درخواست گزار نے بتایا کہ پیپر نہیں ہمارے پاس واٹس ایپ چیٹ ہے جہاں 170 سوالوں کے جوابات موجود ہیں اس پر پاکستان میڈیکل اینڈ ڈینٹل کونسل کے وکیل کا کہنا تھا کہ کوئی پیپر لیک نہیں ہوا ہے۔
بعد ازاں عدالت نے دلائل سننے کے بعد درخواستیں مسترد کردی۔
لائیو ٹی وی