اسلام آباد ایئرپورٹ: جدہ جانے والی پی آئی اے کی پرواز 10 گھنٹے تاخیر کا شکار
اسلام اباد انٹرنیشنل ایئرپورٹ پر جدہ جانے والی پی آئی اے کی پرواز 10گھنٹے تاخیر کا شکار ہوگئی۔
’ڈان نیوز‘ کی رپورٹ کے مطابق پی آئی اے کی پرواز نمبر 731 کے 393 مسافر ایئرپورٹ پر پھنسے ہوئے ہیں اور تاحال عمرے کے لیے جدہ روانہ نہ ہوسکے۔
پرواز میں تاخیر کے سبب پریشان حال عمرہ زائرین نے کہا کہ پی آئی اے حکام کی جانب سے پرواز کی روانگی کے حوالے سے کوئی اطلاع نہیں دی جا رہی۔
دوسری جانب پی آئی اے حکام کا کہنا ہے کہ جہاز میں کوئی تکنیکی خرابی کی وجہ سے پرواز میں تاخیر ہوئی، انجینیئرز کی ٹیم فنی خرابی دور کرنے میں مصروف ہے۔
لائیو ٹی وی