جیمز ویب ٹیلی اسکوپ سے لی گئی تصویر میں 25 ہزار کہکشاؤں کا منظر
جدید ترین خلائی دوربین جیمز ویب ٹیلی اسکوپ کی مدد سے لی گئی ایک تصویر میں تقریباً 25 ہزار کہکشاؤں کو دیکھا گیا جبکہ ہبل ٹیلی اسکوپ سے لی گئی تصویر میں تقریباً 10 ہزار کہکشائیں دیکھی گئیں۔
ایک ویب سائٹ کے مطابق جیمز ویب ٹیلی اسکوپ نے کائنات کا اب تک کا سب سے گہرا اور تفصیلی انفراریڈ نظارہ پیش کرکے سب کو پیچھے چھوڑ دیا ہے۔
جیمز ویب ٹیلی اسکوپ کی جانب سے اب تک صرف 4 فیصد ڈیٹا حاصل کیا گیا ہے اور صرف 4 فیصد ڈیٹا میں 25 ہزار کہکشائیں نظر آئیں۔
یونیورسٹی آف ٹیکساس کے ماہر فلکیات کیٹلن کیسی نے کہا کہ جیمز ویب ٹیلی اسکوپ کی یہ اب تک لی گئی سب سے بڑی اور گہری تصویر ہے۔
ان کا مزید کہنا تھا کہ جب یہ ٹیلی اسکوپ اپنا مشن پورا کرلے گا تو مزید ڈیٹا آنے کی توقع ہے جس میں خلا میں کائنات کے نئے راز افشاں ہو سکیں گے۔
خیال رہے کہ 2021 میں جب 10 ارب ڈالر کی خطیر رقم سے تیار کی جانے والی جیمز ویب ٹیلی اسکوپ کو خلا میں روانہ کیا گیا تو امید کی جا رہی تھی کہ اب خلا میں کائنات کے نئے راز افشاں ہو سکیں گے۔
جیمز ویب سے فلکیات کے ایک نئے دور کا آغاز ہوا اور آنے والے برسوں میں امید ہے کہ یہ کائنات کے بارے میں وہ انکشافات کرے گی جو ابھی تک پوشیدہ ہیں۔
خلا میں بھیجی گئی سب سے طاقت ور دوربین نے ہبل دوربین کی جگہ لی جو اب بھی کام کر رہی ہے۔
اس دوربین نے جولائی میں اپنی پہلی کائناتی تصاویر زمین پر بھیجنی شروع کیں تھیں۔
سائنس دانوں کا پہلے ہی کہنا ہے کہ جیمز ویب دوربین، جو اب سورج کے گرد زمین سے 10 لاکھ میل (16 لاکھ کلومیٹر) کے فاصلے پر گردش کر رہی ہے، اسے 20 سال تک کام کرنا چاہیے۔
لائیو ٹی وی