ماس ریسلنگ ورلڈ چمپئن شپ میں پاکستان کی تیسری پوزیشن
پاکستان کے ریسلرز نے ماس ریسلنگ ورلڈ چمپئن شپ میں اچھی کارکردگی کا مظاہرہ کرتے ہوئے تیسری پوزیشن حاصل کر لی۔
چوتھی ورلڈ ماس ریسلنگ چمپئن شپ میں پاکستان کے قومی ریسلرز نے شان دار کاکردگی کا مظاہرہ کرکے پاکستان کو ریسلنگ کی رنگ سے خوشی کی خبر دے دی۔
پاکستان کے علی اظہر نے70 کلو گرام کیٹیگری میں سلور میڈل جیت لیا، وقاص افضل اور محمد سعد نے اسی کیٹگری میں سلور میڈلز حاصل کیے۔
ماس ریسلنگ ورلڈ چمپیئن کے 65 کلوگرام کی کیٹگری میں شیراز علی نے برانز میڈل حاصل کیا، 90 کلوگرام کیٹگری میں محمد عالم نے سلور میڈل اپنے نام کیا۔
اس طرح پاکستان کی ویمن ریسلرز بھی پیچھی نہیں رہیں، ہمت اور حوصلے کے ساتھ پاکستانی قومی کھلاڑی نتاشا امانی خان نے چوتھی پوزیشن حاصل کی۔
ورلڈ میس ریسلنگ چمپئن شپ میں روس نے پہلی پوزیشن حاصل کی، کرغستان نے دوسری اور پاکستان نے تیسری پوزیشن حاصل کی۔
تاہم، ورلڈ میس ریسلنگ چمپئن شپ میں 45 ممالک کے ایتھلیٹس نے شرکت کی اسی طرح پاکستان سے تعلق رکھنے والے 10 ماس ریسلرز نے عالمی سطح کے مقابلے میں شرکت کی۔
لائیو ٹی وی