عائشہ عمر نے بھی ٹک ٹاک پر اکاؤنٹ بنالیا
اداکارہ عائشہ عمر نے نوجوانوں سمیت درمیانے عمر کے افراد میں مقبول ہوتی شارٹ ویڈیو شیئرنگ ایپلی کیشن ’ٹک ٹاک‘ پر بھی اکاؤنٹ بنالیا۔
عائشہ عمر ان چند مشہور شوبز شخصیات میں سے ایک ہیں، جنہوں نے ٹک ٹاک پر اکاؤنٹ بنایا ہے، اس سے قبل عام طور پر شوبز انڈسٹری سے وابستہ افراد مذکورہ ایپ کو کم اہم سمجھتے رہے تھے۔
عائشہ عمر نے انسٹاگرام پر ٹک ٹاک کی ویڈیو شیئر کرتے ہوئے مداحوں کو بتایا کہ بلآخر انہوں نے بھی شارٹ ویڈیو شیئرنگ ایپلی کیشن پر اکاؤنٹ بنا لیا۔
@ayeshamomar Hey hey hey!!! I’m finally here! And I’m stayin’. You know it. Love, A.O
♬ Bad (2012 Remaster) - Michael Jackson
عائشہ عمر نے 28 مارچ کو مداحوں کو بتایا کہ وہ اب ٹک ٹاک پر بھی ویڈیوز بناتی دکھائی دیں گی۔
اداکارہ نے شارٹ ویڈیو شیئرنگ ایپلی کیشن پر تین دن قبل اپنی پہلی ویڈیو جاری کی تھی، جس میں وہ آنجھانی گلوکار مائیکل جیکسن پر پرفارمنس کرتی دکھائی دی تھیں۔
یہ بھی پڑھیں: آئمہ بیگ نے ٹک ٹاک جوائن کر لیا
اداکارہ نے مذکورہ ویڈیو کو بیرون ملک شوٹ کیا تھا، جسے تین دن میں 15 لاکھ بار تک دیکھا جا چکا تھا۔
اداکارہ نے 29 مارچ کو ٹک ٹاک پر دوسری ویڈیو شیئر کی، جس میں ’میجک بومب‘ پر کرتب دکھاتی دکھائی دیں۔
@ayeshamomar Sharing some fun answers about my organic skincare line @ayesha.o.beauty. #ayeshaomar
♬ The Magic Bomb (Questions I Get Asked) [Extended Mix] - Hoàng Read
عائشہ عمر سے قبل رواں برس فروری میں اداکار فیروز خان نے بھی ’ٹک ٹاک‘ پر اکاؤنٹ بنایا تھا، ماضی میں وہ شارٹ شیئرنگ ایپلی کیشن کو ’معاشرے کے لیے کینسر‘ قرار دیتے آئے تھے۔
ان سے قبل اداکارہ و گلوکارہ آئمہ بیگ نے بھی جنوری 2022 میں ٹک ٹاک پر اکاؤنٹ بنایا تھا۔
آئمہ بیگ سے قبل عائزہ خان سمیت متعدد معروف شخصیات نے بھی ٹک ٹاک پر اکاؤنٹ بنائے تھے جب کہ صدر مملکت اور وزیر اعلیٰ پنجاب عثمان بوزدار کے نام سے بھی شارٹ ویڈیو شیئرنگ ایپ پر اکاؤنٹس موجود ہیں۔
ٹک ٹاک پر ملک میں گزشتہ چند سال سے متعدد بار ’فحاشی‘ پھیلانے کے الزام میں پابندی بھی عائد ہو چکی ہے، تاہم بعد ازاں اس سے پابندی ہٹائی جاتی رہی ہے۔ شارٹ ویڈیو ایپ کو پاکستان میں جہاں متنازع ایپ کے طور پر دیکھا جاتا ہے، وہیں مذکورہ ایپ نئی نسل میں سب سے زیادہ مقبول بھی ہے اور آئے دن اس کے صارفین میں اضافہ دیکھا جا رہا ہے۔
لائیو ٹی وی