امریکا میں برفانی طوفان کے باعث پروازیں معطل
امریکا میں شدید برف باری اور طوفان کے باعث سیکڑوں پروازیں معطل ہوگئیں۔
غیر ملکی خبر رساں ادارے ’رائٹرز‘ کی رپورٹ کے مطابق امریکا کی مختلف ریاستوں میں ایمرجنسی نافذ کردی گئی ہے جو مزید ایک ہزار سے زائد پروازیں منسوخ ہونے کا سبب بن سکتا ہے۔
غیر ملکی خبر رساں ادارے نے رپورٹ کیا کہ گزشتہ روز نیویارک، میساچوسٹس میں کم و بیش 2 فٹ تک برفباری ہوئی‘
برفباری کے باعث دونوں ریاستوں کا توانائی کا نظام بھی متاثر ہوا ہے جبکہ گزشتہ شام میساسچوٹس کے 95 ہزار گھر تاریکی میں ڈاب گئے تھے۔
نیویارک کی گورنر کیتھی ہوکل نے شہریوں کو غیر ضروری سفر سے گریز کرنے کی تنبیہ کی ہے۔
