وزیر اعلیٰ پنجاب سے منسوب ٹک ٹاک اکاؤنٹ کی ویڈیوز وائرل
صدر مملکت عارف علوی کی جانب سے رواں برس جولائی میں شارٹ ویڈیو شیئرنگ ایپلی کیشن ٹک ٹاک پر اکاؤنٹ بنائے جانے کے بعد اب خبریں ہیں کہ وزیر اعلیٰ پنجاب عثمان بزدار نے بھی وہاں پر اکاؤنٹ بنا لیا۔
یہ بھی پڑھیں: صدرِ پاکستان بھی ٹک ٹاک پر آگئے
اگرچہ وزیر اعلیٰ پنجاب یا ان کی ٹیم نے ان کے نام سے ٹک ٹاک اکاؤنٹ بنائے جانے کی تصدیق یا تردید نہیں کی ہے، تاہم عثمان بزدار کے نام سے بنائے گئے ٹک ٹاک اکاؤنٹ کی ویڈیوز وائرل ہوگئیں۔
@usmanakbuzdar وزیراعلیٰ پنجاب #usmanakbuzdar سے اراکین صوبائی اسمبلی کی ملاقاتیں۔ حلقوں کے مسائل کے حل اور فلاح عامہ کے منصوبوں پر پیش رفت کے حوالے سے بات چیت۔ #fyp
♬ original sound - Faisal Jatt
عثمان بزدار کے نام سے بنائے گئے ٹک ٹاک اکاؤنٹ پر ان کے سوا لاکھ سے زائد فالوورز ہیں۔
مذکورہ ٹک ٹاک اکاؤنٹ پر 160 کے قریب ویڈیوز موجود ہیں اور وہاں پر پہلی ویڈیو رواں برس اگست میں اپ لوڈ کی گئی تھی۔
@usmanakbuzdar Throwback: Sindhi Culture Day Ceremony held at CM Office Punjab. #usmanakbuzdar #usmanbuzdar #cmpunjab #foryou #sindhi #sindhiculture #trending #fup
♬ Abid brohi - Mahesar Bilal
وزیر اعلیٰ پنجاب کے نام سے بنائے گئے اکاؤنٹ پر پہلی ویڈیو ان کی جانب سے پنجاب اسمبلی میں تقریر کے دوران پڑھی گئی شاعری کی ویڈیو ہے۔
اسی طرح مجموعی طور پر ان کے اکاؤنٹ پر 157 ویڈیوز اپ لوڈ کی جا چکی ہیں، جن کے پس منظر میں موسیقی یا گانے بھی شامل کیے گئے ہیں۔
@usmanakbuzdar Throwback: CM Gilgit Baltistan Khalid Khurshid Khan meets CM Punjab Usman Buzdar in Lahore. #usmanakbuzdar #chiefminister #gilgitbaltistan #punjab #4u
♬ Instrumental Traditional Music Gilgit Baltistan - Usman Buzdar
عثمان بزدار کے نام سے بنائے گئے اکاؤنٹ پر کوئی بھی غیر اخلاقی یا بولڈ ویڈیو اپ لوڈ نہیں کی گئی۔
ان کے نام سے بنے اکاؤنٹ پر اپ لوڈ کی گئی ویڈیوز میں ان کی جانب سے مختلف سیاسی رہنماؤں سے ملاقاتوں سمیت وزیر اعظم عمران خان کے ساتھ ہونے والے اجلاسوں کی ویڈیوز بھی شامل ہیں۔
اکاؤنٹ پر جاری کی گئی ویڈیوز میں عثمان بزدار کی شعر و شاعری، سیر و سیاحت، رہنماؤن سے ملاقات اور میڈیا کو دیے گئے انٹرویوز کی کلپس کی ویڈیو بھی شامل ہیں۔
@usmanakbuzdar وزیراعلیٰ پنجاب سردار عثمان بزدار۔ #usmanakbuzdar #cmpunjab #punjab #multan #officialvisit #usmanbuzdar #jet #plane #fypシ #foryoupage #pakistan #pti
♬ original sound - Shahid Malangi Official
عثمان وزدار سے منسوب ٹک ٹاک اکاؤنٹ کے پروفائل پر واضح کیا گیا ہے کہ مذکورہ اکاؤنٹ کو وزیر اعلیٰ پنجاب کی ٹیم چلا رہی ہے۔
ساتھ ہی اکاؤنٹ کے پروفائل پر حکومت پنجاب کی آفیشل ویب سائٹ کا لنک بھی دیا گیا ہے۔
ان کے نام سے بنے اکاؤنٹ کی ویڈیوز تین دن قبل اس وقت وائرل ہوئیں جب ان کے اکاؤنٹ کو پاکستان میں ٹک ٹاک کی طویل بندش کے بعد حال ہی میں دوبارہ فعال کیا گیا تھا۔
عثمان بزدار سے قبل رواں برس جولائی میں صدر مملکت عارف علوی نے بھی نئی نسل تک پیغامات کو پہنچانے کے لیے ٹک ٹاک پر اکاؤنٹ بنایا تھا۔
@hhshkmohd لا يوجد خط نهائي للتطور... وهدفنا أن نكون من أفضل الأمم والحكومات
♬ original sound - H.H. Sheikh Mohammed
صدر مملکت اور وزیر اعلیٰ پنجاب کے علاوہ دنیا کے دیگر متعدد ممالک کے اعلیٰ حکومتی عہدیداروں نے بھی ٹک ٹاک پر اکاؤنٹ بنا رکھے ہیں۔
یورپی ملک فرانس، وسطی امریکی ملک سلواڈور اور متحدہ عرب امارات (یو اے ای) کے نائب صدر اور دبئی کے امیر شیخ راشد المکتوم نے بھی ٹک ٹاک پر اکاؤنٹ بنا رکھے ہیں۔
@bnetanyahu אין מה להשוות
♬ original sound - Benjamin Netanyahu - נתניהו
علاوہ ازیں سابق اسرائیلی صدر نیتن یاہو اور نیپال کے سابق وزیر اعظم کے پی شرما نے بھی اس وقت ٹک ٹاک پر اکاؤنٹ بنائے تھے جب وہ وزارت عظمیٰ کے عہدے پر براجمان تھے۔
علاوہ ازیں ٹک ٹاک پر کم از کم دنیا کے 6 ممالک کے سرکاری اکاؤنٹس بھی موجود ہیں، جن میں اسرائیل، فرانس، سنگاپور، ارجنٹائن، چلی اور صومالیہ شامل ہیں۔
@kpsharmaoli_official काेभिड राेकथामकाे लागि खाेप हाम्राे मुख्य प्रार्थमिकता हाे र निकट भविष्य मै सम्पूर्ण वयश्क नागरिकलाई खाेप प्रदान गरिने छ ।
♬ original sound - KP Sharma Oli
ساتھ ہی دنیا کے مختلف ممالک کی کم از کم 30 وزارتوں کے بھی سرکاری اکاؤنٹس موجود ہیں جبکہ درجنوں عالمی فلاحی، سیاسی و سماجی تنظیموں اور اداروں کے بھی ٹک ٹاک پر اکاؤنٹس موجود ہیں۔
@nayibbukele Un par de minutos sobre el futuro de nuestro país ???????? #elsalvador #bicentenario #independencia
♬ original sound - Nayib Bukele
لائیو ٹی وی