تصاویر: گھوٹکی کے قریب مسافر ٹرین حادثہ
صوبہ سندھ کے ضلع گھوٹکی میں ڈہرکی کے قریب دو مسافر ٹرینوں کے تصادم کے نتیجے میں 51 افراد جاں بحق ہوگئے جبکہ زخمیوں کی تعداد 100 تک جا پہنچی اور حادثے کے باعث متعدد مسافر ٹرینوں کی آمد و رفت تعطل کا شکار ہے۔
یہ ہولناک حادثہ پیر کو اس وقت پیش آیا جب سرگودھا جانے والی ملت ایکسپریس کی 10 سے زائد بوگیاں پٹڑی سے اتریں اور مخالف سمت سے آنے والی سرسید ایکسپریس ان بوگیوں سے ٹکرا گئی۔
حادثے میں مجموعی طور پر ٹرینوں کی 13 سے زائد بوگیوں کو نقصان پہنچا، جن میں ملت ایکسپریس کی 9 اور سرسید ایکسپریس کی 4 بوگیاں شامل ہیں۔
فوج اور رینجرز کے دستے بھی مقامی انتظامیہ کے ساتھ مل کر امدادی اور بچاؤ آپریشن میں حصہ لے رہے ہیں جبکہ آئی ایس پی آر کے مطابق فوری امدادی اقدامات کے لیے ملتان سے 2 ہیلی کاپٹر روانہ کیے گئے ہیں۔
