پاکستان سمیت دنیا بھر میں ایسٹر کی تقریبات
پاکستان سمیت دنیا بھر میں مسیحی برادری نے ایسٹر کا تہوار روایتی جوش و خروش اور مذہبی جوش و جذبے کے ساتھ منایا۔
ایسٹر کے موقع پر ملک کے چھوٹے بڑے شہروں میں عیسائی برادری نے گرجا گھروں میں خصوصی عبادات میں شرکت کی اور پاکستان بھر میں موجود گرجا گھروں کو سجایا بھی گیا۔
مسیحی برادری کے تہوار، ایسٹر کی تقریبات کے موقع پر ملک کے تمام گرجا گھروں پر سیکیورٹی کے سخت انتظامات کیے گئے۔
مسیحی برادری یہ مذہبی تہوار 2 ہزار سال قبل یروشلم میں پیش آئے واقعے کی یاد میں مناتی ہے۔
اسی طرح دنیا بھر میں ایس او پیز کے ساتھ ایسٹر کا تہوار گزشتہ برس کے مقابلے میں تھوڑے بہتر انداز میں منایا گیا جو گزشتہ برس عالمی وبا کی وجہ سے انتہائی محدود پیمانے پر منایا گیا۔
