پاکستان بھر میں بجلی کا بریک ڈاؤن
ہفتہ اور اتوار (10 جنوری) کی درمیانی شب کو لگ بھگ 12 بجے کراچی، لاہور اور اسلام آباد سمیت ملک کے کئی شہر، بجلی کے ترسیلی نظام میں خرابی کے باعث تاریکی میں ڈوب گئے تھے۔
ملک میں ہونے والے بجلی کے بریک ڈاؤن سے ٹرانسمیشن، 22 ہزار میگاواٹ کی ترسیل اور تقسیم کا نظام ٹرپ کرگیا تھا۔
بریک ڈاؤن کے باعث کراچی، لاہور، اسلام آباد، پشاور، کوئٹہ سمیت دیگر کئی شہروں میں اچانک بجلی کی فراہمی معطل ہوگئی تھی، اس دوران بجلی اچانک معطل ہونے پر صارفین کو شدید پریشانی ہوئی۔
بجلی کے بڑے بریک ڈاؤن کے بعد بتدریج بجلی کی بحالی کا کام جاری ہے اور اب تک ملک میں جزوی طور پر بجلی بحال ہوچکی ہے۔
