صوبے میں 15 اگست سے اسکول نہیں کھولیں گے، ترجمان حکومت سندھ
حکومت سندھ کے ترجمان مرتضی وہاب نے بتایا کہ آل پاکستان پرائیویٹ اسکولز ایسوسی ایشن کے اعلان کے باوجود 15 اگست سے صوبے میں اسکول نہیں کھلیں گے۔
پریس کانفرنس سے خطاب کرتے ہوئے انہوں نے کہا کہ '15 اگست سے سندھ میں کوئی بھی اسکول نہیں کھلے گا، ہم بچوں کی صحت سے متعلق سمجھوتہ نہیں کریں گے'۔
انہوں نے کہا کہ نجی اسکولوں کی انتظامیہ کو ایسا کرنے کی اجازت نہیں دیں گے۔
مرتضیٰ وہاب نے شہریوں پر بھی زور دیا کہ کیسز اب بھی سامنے آرہے ہیں اس لیے وہ احتیاطی تدابیر پر عمل پیرارہیں۔
انہوں نے کہا کہ ہمیں احتیاطی تدابیر کو نظر انداز نہیں کرنا چاہیے، اگر ہم احتیاطی تدابیر اختیار نہیں کرتے ہیں تو کیسز بڑھ سکتے ہیں۔
لائیو ٹی وی