ڈونلڈ ٹرمپ نے اسکولز کی بندش کو ایک ' خوفناک فیصلہ' قرار دے دیا
امریکی صدر ڈونلڈ ٹرمپ نے کہا کہ کورونا وائرس کی عالمی وبا کے کیسز میں دوبارہ اضافے کے دوران کیلیفورنیا کے 2 بڑے اسکول ڈسٹرکٹس طلبہ کو گھر رہنے پر مجبور کرتے ہوئے 'خوفناک غلطی'کررہے ہیں۔
رائٹرز کی رپورٹ کے مطابق سی بی ایس نیوز کو دیے گئے انٹرویو میں ڈونلڈ ٹرمپ نے کہا کہ لاس اینجلس اور سان ڈیاگو کے اسکول ڈسٹرکٹس اگست میں شروع ہونے والے تعلیمی سال میں صرف آن لائن تعلیم فراہم کرنا غلطی ہے۔
انہوں نے کہا کہ میں والدین اور اساتذہ سے کہوں گا کہ اپنے لیے کوئی نیا شخص ڈھونڈیں، جو بھی اس فیصلے کا ذمہ دار ہے کیونکہ یہ ایک خوفناک فیصلہ ہے۔
ڈونلڈ ٹرمپ نے کہا کہ بچے اور والدین صدمے سے مر رہے ہیں، وہ مر رہے ہیں کیونکہ وہ نہیں کرسکتے جو وہ کررہے ہیں، مائیں کام پر نہیں جاسکتی کیونکہ انہیں گھر میں رہنا پڑرہا ہے اور اپنے بچے اور ان کے والد کو بھی دیکھنا پڑتا ہے۔
لائیو ٹی وی