عمران خان کا اسمارٹ لاک ڈاون ہزاروں لوگوں کی اموات کا باعث بن چکا ہے، پیپلزپارٹی
پاکستان پیپلزپارٹی کی سیکریٹری اطلاعات نفیسہ شاہ نے اسمارٹ لاک ڈاؤنز سے متعلق وزیراعظم عمران خان کے بیان پر ردعمل میں کہا ہے کہ بے بنیاد اور حقائق کے برعکس بیانات دے کر اصل حقائق کو چھپایا نہیں جاسکتا۔
نفیسہ شاہ نے کہا کہ وزیراعظم کا اپنی نااہل ٹیم پر فخر کرنا سمجھ سے بالاتر ہے، خان صاحب کو کوئی بتادے کہ ان کی اور ان کی نااہل ٹیم کی بدولت کیسز 2 لاکھ سے تجاوز کر چکے ہیں۔
انہوں نے کہا کہ وزیراعظم کے اسمارٹ لاک ڈاون کے نتائج پوری قوم کے سامنے ہیں،عمران خان کا اسمارٹ لاک ڈاون ہزاروں لوگوں کی اموات کا باعث بن چکا ہے۔
قبل ازیں وزیراعظم نے کہا تھا کہ اسمارٹ لاک ڈاؤن نافذ کرنے والوں میں میری ٹیم سرفہرست ہے اور کورونا وائرس سے پیدا ہونے والے بحران میں ہمارے ملک کو درست سمت میں رکھنے کے لیے یہ تدبیر کام آئی
لائیو ٹی وی