وائرس سے پاک ویتنام غیر ملکی سیاحوں کی واپسی کیلئے تیار نہیں،نگوین شوآن فوک
ویتنام کے وزیراعظم نگوین شوآن فوک نے کہا ہے کہ کورونا وائرس پر کامیابی سے قابو پانے کے باوجود ویتنام اپنے دروازے غیر ملکی سیاحوں کے لیے کھولنے کو تیار نہیں کیونکہ اس سے ملک میں کورونا وائرس کی دوسری لہر کا خدشہ ہے۔
رائٹرز کی رپورٹ کے مطابق انہوں نے کہا کہ غیر ملکیوں کے لیے دروازے کھولنے میں کوئی جلدی نہیں۔
انہوں نے کہا کہ ویتنام ابھی تک غیرملکی سیاحوں کی واپسی کے لیے تیار نہیں، ویتنام میں غیر ملکی ماہرین، اعلیٰ سطح کے ورکرز اور سرمایہ کاروں کا خیر مقدم کیا جاتا ہے لیکن اس حوالے سے سخت نگرانی کی جائے گی۔
خیال رہے کہ گزشتہ 2 ماہ سے زائد عرصے میں ویتنام میں مقامی سطح پر منتقلی کے کورونا وائرس کا کوئی کیس سامنے نہیں آیا۔
جون کے اوائل میں ویتنام نے کہا تھا کہ وائرس سے پاک ممالک کے لیے پروازیں بحال کرنے پر ٖغور کیا جارہا ہے۔
لائیو ٹی وی