55 برس سے زائد عمر کے افراد کو اجلاس میں شرکت کی اجازت نہ دی جائے،وزیر صحت سندھ
وزیر صحت سندھ ڈاکٹر عذرا پیچوہو نے اسپیکر سندھ اسیمبلی آغا سراج درانی کو لکھے خط میں 55 سال سے زائد عمر کے اراکین اسمبلی کو اجلاس میں شرکت کی اجازت نہ دینے کی درخواست کی ہے۔
انہوں نے کہا کہ صوبے میں کورونا وائرس پر قابو پانے کے لیے وزیر اعلیٰ سندھ کی سربراہی میں اسٹینڈرڈ آپریٹنگ پروسیجرز (ایس او پیز) اور ہدایات جاری کی گئی ہیں۔
ڈاکٹر عذرا پیچوہو نے کہا کہ رواں ہفتے کورونا وائرس کے کیسز کی تعداد میں اضافہ ہوا ہے اور گزشتہ روز 1744 کیس رپورٹ ہوئے۔
صوبائی وزیر صحت نے کہا کہ حکومت سندھ نے ٹیسٹ کی صلاحیت کو بھی بڑھایا ہے۔
ان کا کہنا تھا کہ معمر افراد جو ذیابطیس اور دیگر امراض کا شکار ہیں وہ کورونا سے زیادہ متاثر ہو رہے ہیں۔
ڈاکٹر عذرا پیچوہو نے کہا کہ اراکین اسمبلی کو فیس ماسک اور دیگر ایس او پیز پر عملدرآمد کے لیے پابند بنایا جائے۔
لائیو ٹی وی