آسٹریلیا کے جنگل میں خوفناک آتشزدگی
آسٹریلیا کے جنوب مشرقی حصے میں واقع جنگلات میں وسیع پیمانے پر آگ پھیل جانے سے مقامی افراد سمیت سیکڑوں سیاح محصور ہوگئے۔
تازہ ترین اطلاعات کے مطابق جنوب مشرقی ساحلی علاقوں میں 200کلو میٹر سے زائد رقبے کو آگ نے اپنی لپیٹ میں لے لیا ہے۔
کچھ علاقوں میں تو آگ کے شعلے، دھویں کے بادل اور آگ کے دھکتے ہوئے انگارے اس حد تک شدید ہیں کہ فضائی طریقے سے لوگوں کو محفوظ مقام پر منتقل کرنے کا عمل اور آگ بجھانے کا سلسلہ روک دیا گیا۔
گزشتہ شب سے اب تک درجنوں جائیدادیں اور املاک راکھ کا ڈھیر بن چکی ہیں۔
شدید دھوئیں کے سبب دن کے وقت بھی رات کا گمان ہورہا ہے۔
جن جگہوں پر جنگلات میں آگ لگی ہے وہاں پر درجہ حرارت کئی ڈگری سینٹی گریڈ تک پہنچ گیا اور شعلوں کی زد میں آکر ہر چیز تہہ و بالا ہوگئی ہے۔
مقامی اور سیاحوں کی محفوظ نقل مکانی میں شدید مشکلات پیش آرہی ہیں جس کے بعد ہزاروں افراد نے ساحل کا رخ کرلیا۔
