دبئی میں شاندار ایئر شو
دبئی کے دبئی ورلڈ سینٹرل میں شاندار 'ایئر شو 2019' کا آغاز ہو گیا جس میں 160ممالک کی ایک ہزار 300 کمپنیاں اور ادارے شرکت کر رہے ہیں۔
گلف نیوز کی رپورٹ کے مطابق ایئر شو کے پہلے روز متحدہ عرب امارات کے نائب صدر، وزیر اعظم اور دبئی کے حاکم شیخ محمد بن راشد المکتوم اور دبئی کے ولی عہد شیخ حمدان بن محمد بن راشد المکتوم نے بھی شرکت کی۔
جہازوں کی یہ نمائش اور ایئر شو 17 سے 21 نومبر تک جاری رہے گا جس میں مختلف ممالک کے جہاز فضا میں اپنی صلاحیتوں کا مظاہرہ کریں گے۔
دنیا بھر سے مختلف کمپنیوں کے نمائندوں کی شرکت کے باعث دبئی ایئر شو میں اربوں ڈالر کے متعدد معاہدوں پر دستخط ہونے کا امکان ہے۔
یہ ایئر شو دنیا بھر کی جہازوں کی بڑی نمائشوں میں اپنی نوعیت کا خاص اور مشرق وسطیٰ کا منفرد ایونٹ ہے۔
