فلپائن کے جزائر میں زلزلہ، 8 افراد ہلاک
فلپائن کے شمالی جزائر میں شدید زلزلے کے نتیجے میں 8 افراد ہلاک اور 60 سے زائد شہری زخمی ہوگئے جبکہ کئی عمارتوں کو بھی نقصان پہنچا۔
خبرایجنسی اے پی کی رپورٹ کے مطابق لوزان اسٹریٹ کے گنجان آباد جزائر میں 5 اعشاریہ 4 اور 5 اعشاریہ 9 شدت کے زلزلے کے جھٹکے دو مرتبہ محسوس کیا گیا۔
صوبہ بٹانیز کے محکمہ ڈیزاسٹر رسپونس کے سربراہ رولڈان ایسڈیکول کا کہنا تھا کہ علی الصبح آنے والے زلزلے سے پتھر اور لکڑی سے تعمیر کیے گئے مکانات گر گئے اور شہریوں میں خوف پھیل گیا۔
ان کا کہنا تھا کہ ‘ہمارے گھر کے اندر ساری چیزین جھول رہی تھیں اور ہم جان کو بچانے کے لیے باہر نکل آئے’۔
