• KHI: Maghrib 5:44pm Isha 7:03pm
  • LHR: Maghrib 5:02pm Isha 6:27pm
  • ISB: Maghrib 5:03pm Isha 6:30pm
  • KHI: Maghrib 5:44pm Isha 7:03pm
  • LHR: Maghrib 5:02pm Isha 6:27pm
  • ISB: Maghrib 5:03pm Isha 6:30pm

دنیا میں تہلکہ مچانے والی ’کیپٹن مارول‘ پاکستان میں ریلیز

شائع April 5, 2019
بری لارسن نے کیپٹن مارول کا کردار ادا کیا ہے—اسکرین شاٹ
بری لارسن نے کیپٹن مارول کا کردار ادا کیا ہے—اسکرین شاٹ

گزشتہ ماہ مارچ کو خواتین کے عالمی دن کے موقع پر دنیا بھر میں ریلیز کی گئی خاتون سپر ہیرو فلم ’کیپٹن مارول‘ نے دنیا بھر میں تہلکہ مچایا تھا۔

فلم نے کئی دہائیوں سے باکس آفس پر مرد سپر ہیرو فلموں کے راج کو ختم کرتے ہوئے ابتدائی تین دن میں ہی ریکارڈ کمائی کی تھی۔

’کیپٹن مارول‘ کو دنیا کے مختلف ممالک میں مختلف دنوں پر ریلیز کیا گیا تھا اور خیال کیا جا رہا تھا کہ فلم کو پاکستان میں بھی خواتین کے موقع پر ریلیز کیا جائے گا۔

تاہم فلم کو گزشتہ ماہ ریلیز نہیں کیا گیا تھا، جس وجہ سے کئی فلمی شائقین مایوس بھی دکھائی دیے تھے۔

لیکن اب سپر ہیرو فلموں کے شائقین کے لیے خوشخبری یہ ہے کہ ’کیپٹن مارول‘ کو پاکستان بھر میں ریلیز کردیا گیا۔

یہ بھی پڑھیں: خاتون سپر ہیرو فلم نے تاریخ رقم کردی

’کیپٹن مارول‘ کو پاکستان بھر میں 5 اپریل سے ریلیز کیا گیا، تاہم اس کے ٹکٹ کی بکنگ ایک دن قبل ہی شروع کردی گئی تھی۔

بری لارسن کی اداکاری کو سراہا گیا—اسکرین شاٹ
بری لارسن کی اداکاری کو سراہا گیا—اسکرین شاٹ

پاکستان کے معروف سینما گھروں نے اپنے سوشل میڈیا اکاؤنٹس کے ذریعے شائقین کو ایک دن قبل ہی ’کیپٹن مارول‘ کو ریلیز کرنے کی خوشخبری سنائی تھی۔

فلم کی کہانی بری لارسن یعنی کیپٹن مارول کی غیر معمولی صلاحیتوں کے گرد گھومتی ہے، وہ اگرچہ ایئر فورس کی پائلٹ بنتی ہیں، تاہم جلد ہی اسے اندازہ ہوجاتا ہے کہ وہ عام خاتون پائلٹ سے بڑھ کر ہیں۔

بری لارسن دشمنوں کو مزہ چکھاتی دکھائی دیں—اسکرین شاٹ
بری لارسن دشمنوں کو مزہ چکھاتی دکھائی دیں—اسکرین شاٹ

فلم میں 1990 کا زمانا دکھایا ہے۔

مزید پڑھیں: ’کیپٹن مارول‘ پاکستان میں ریلیز نہیں ہوگی

فلم کی خاص بات یہ ہے کہ اس کی ہدایت کارہ بھی خاتون ہیں، تاہم مرد ہدایت کار بھی فلم کے شریک ہدایت کار ہیں۔ فلم کی ہدایات اینا بوڈن اور ریان فلیک نے دی ہیں۔

بری لارسن کے علاوہ فلم کی دیگر کاسٹ میں سیموئل ایل جیکسن، بیل مینڈل سوہن، لی پیس اور کلارک گریگ سمیت دیگر اداکار شامل ہیں۔

کارٹون

کارٹون : 18 نومبر 2024
کارٹون : 17 نومبر 2024