نیوزی لینڈ نے پاکستان کو سیریز کے تیسرے ٹیسٹ میچ میں 123رنز سے شکست دے کر پاکستان کو ہوم گراؤنڈ پر 49سال بعد مات دے دی۔

ابوظہبی میں کھیلے ٹیسٹ میچ میں نیوزی لینڈ نے کین ولیمسن اور ہنری نکولس کی سنچری کی بدولت اپنی دوسری اننگز 353 رنز سات کھلاڑی آؤٹ پر ڈکلیئر کردی اور پاکستان کو فتح کے لیے 280رنز کا ہدف دیا۔

280 رنز کے ہدف کے تعاقب پاکستانی بیٹنگ لائن بدترین ناکامی سے دوچار ہوئی اور پوری ٹیم 156رنز پر ڈھیر ہو گئی۔

نیوزی لینڈ نے 123رنز سے فتح حاصل کر کے سیریز 1-2 سے اپنے نام کر لی۔