یہ ہے سام سنگ کا پہلا 5 جی پروٹوٹائپ اسمارٹ فون
سام سنگ نے آئی فون ایکس جیسے نوچ والے کسی فلیگ شپ فون کو متعارف نہیں کرایا مگر ایسا لگتا ہے کہ اس پر سنجیدگی سے غور ضرور کررہی ہے۔
اور وہ بھی کوئی عام فون نہیں، اس کمپنی کا فائیو جی فون۔
مزید پڑھیں : سام سنگ گلیکسی ایس 10 میں 6 کیمرے دیئے جانے کا امکان
جی ہاں گزشتہ شب امریکی ریاست ہوائی میں کوالکوم اسنیپ ڈراگون کی ٹیک کانفرنس کے دوران سام سنگ نے ایک فائیو جی پروٹوٹائپ فون کو پیش کیا جس میں ایک دلچسپ نوچ دیا گیا ہے جو کہ ڈیوائس کے اوپری دائیں کونے پر موجود ہے۔
اس ڈیوائس کے بارے میں تفصیلات تو معلوم نہیں مگر یہ ضرور معلوم ہے کہ اسے فائیو جی ویڈیو اسٹریمنگ کے لیے استعمال کیا جاتا ہے جبکہ تصاویر سے معلوم ہوتا ہے کہ اس میں سیلفی کیمرہ نوچ کے اندر ہے۔
ویسے تو ڈیزائن کے لحاظ سے فون کچھ منفرد محسوس ہوتا ہے کیونکہ نوچ کافی بڑا جبکہ کیمرہ لوکیشن کافی عجیب ہے مگر پھر بھی منفرد ضرور ہے، جیسا نیچے تصویر میں دیکھ سکتے ہیں۔
اور یہ نہ بھولیں کہ یہ ڈیوائس پروٹوٹائپ ہے جس کا مطلب ہے کہ یہ ماس پروڈکشن کے لیے نہیں۔
یعنی اس بات کے قوی امکانات ہیں کہ یہ عام صارفین کے لیے کبھی دستیاب نہ ہو کیونکہ پروٹوٹائپ ماڈلز اکثر مختلف شکلوں میں متعارف کرائے جاتے ہیں۔
مگر پھر بھی یہ پہلا موقع ہے کہ سام سنگ کی جانب سے نوچ پر تجربہ کیا جارہا ہے جو کہ اس سے پہلے آئی فون کے اس فیچر کا مذاق اڑا چکی ہے۔
اسی طرح آئندہ سال کے شروع میں سامنے آنے والے فلیگ شپ فون گلیکسی ایس 10 میں پنچ ہول فرنٹ ڈسپلے پر سیلفی کیمرے کے لیے دیا جارہا ہے۔
یہ بھی پڑھیں : سام سنگ کا پہلا 12 جی بی ریم اور 1 ٹی بی اسٹوریج والا فون
اور یہ ڈیزائن ہیواوے کی جانب سے بھی نقل کیا جارہا ہے اور یہی وجہ ہے کہ جنوبی کورین کمپنی اپنی ڈیوائسز کو زیادہ بہتر بنانے کے لیے کچھ اور سوچنے پر مجبور ہوگئی ہے۔
لائیو ٹی وی