ایشیا کپ: بھارت کی پاکستان کے خلاف مسلسل دوسری فتح
پاکستان کو ایشیا کپ کے سپرفور مرحلے میں بھارت کے ہاتھوں 9 وکٹوں سے شکست کا سامنا کرنا پڑا جہاں قومی ٹیم کی بیٹنگ اور باؤلنگ دونوں شعبوں میں کارکردگی مایوس کن رہی۔
روایتی حریف بھارت نے نہ صرف باؤلنگ بلکہ بیٹنگ میں بھی بھرپور کارکردگی دکھاتے ہوئے اپنی برتری واضح کردی جبکہ پاکستانی باؤلرز ان کے ایک بلے باز کو بھی آؤٹ کرنے سے قاصر رہے۔
پاکستان اور بھارت کو ایشیا کپ کے فائنل تک رسائی کے لیے اس میچ میں کامیابی اہم تھی جس کا فائدہ بھارت نے حاصل کرلیا۔
پاکستان اب اپنا اگلا میچ بنگلہ دیش کے خلاف کھیلے گا۔
