سانحہ نائن الیون کو 17 سال بیت گئے
11 ستمبر 2001 میں امریکا پر آفت ٹوٹی، جب صبح 8 بج کر 46 منٹ پر نیویارک میں موجود دنیا کی بلند ترین عمارت ورلڈ ٹریڈ سینٹر دہشت گردی کا شکار بنی، دو مغوی طیاروں کو یکے بعد دیگرے عمارت سے ٹکرا دیا گیا۔
امریکا نے واقعے کا ذمے دار القاعدہ رہنما اسامہ بن لادن کو ٹھہراتے ہوئے افغانستان پر حملہ کیا، جس کے بعد جنگ کا دائرہ عراق اور پاکستان کے سرحدی علاقوں تک پھیل گیا۔
واقعے کے 10 سال بعد اسامہ کی متنازع موت کا دعویٰ کیا گیا، نائن الیون واقعے کی تحقیقاتی رپورٹ میں سانحے کو امریکی حکام کی نااہلی قرار دیا گیا۔
حادثے کے مقام پر قائم گراؤنڈ زیرو اور وہاں بنایا جانے والا میوزیم ہر سال امریکیوں کو اس سانحے کی یاد دلاتا رہے گا جس نے نہ صرف امریکا بلکہ پوری دنیا کو دہشت گردی کے خلاف جنگ کی اس آگ میں دھکیل دیا جو نہ جانے کب بجھے گی۔
