اسلام آباد: پاکستان تحریک انصاف (پی ٹی آئی) کے سربراہ عمران خان نے وزارت عظمیٰ کا حلف اٹھانے کے بعد عارف علوی کو صدارتی امیدوار نامزد کرنے کی منظوری دے دی۔

پی ٹی آئی کے سیکریٹری اطلاعات فواد چوہدری نے تصدیق کی کہ وزیراعظم عمران خان نے اگلے صدر مملکت کے لیے عارف علوی کے نام کی منظور دی ہے۔

دوسری طرف رکن قومی اسمبلی ڈاکٹر عامرلیاقت نے ٹوئٹ کیا کہ ’پاکستان کے نئے صدر مملکت ان شا اللہ ڈاکٹر رحمان عارف علوی ہوں گے‘۔

انہوں نے مزید کہا کہ ’کوشش ہے ہمارے ڈاکٹر صاحب بلامقابلہ صدرمنتخب ہوجائیں‘۔

واضح رہے کہ صدر مملکت کے عہدے کی میعاد 8 ستمبر کو ختم ہو رہی ہے۔

نئے مملکت صدر کے لیے 4 دستمبر کو صدارتی انتخاب ہوگا۔

خیال رہے کہ ڈاکٹر علوی نے قومی اسمبلی کی نشست 247 (کراچی جنوبی ٹو) میں متحدہ قومی موومنٹ کے فاروق ستار کو شکست دی تھی۔

علاوہ ازیں وزیراعظم عمران خان نے وفاقی کابینہ کی بھی منظوری دے دی ہے۔