عام انتخابات: خیبر پختونخوا کے 3174 پولنگ اسٹیشن حساس ترین قرار
حالیہ دہشت گردی کے واقعات کے بعد خیبر پختونخوا پولیس نے صوبے میں امن و امان کو برقرار رکھنے کے لیے نیا سیکیورٹی پلان تشکیل دے دیا۔
انسپکٹر جنرل آف پولیس (آئی جی پی) محمد طاہر کے مطابق انتخابی مہم کے سلسلے میں تمام سیاسی رہنماؤں کو سیکیورٹی فراہم کی جارہی ہے، جبکہ ہر جماعت کے رہنما کو کسی بھی جلسے یا کارنر میٹنگ سے 48 گھنٹوں قبل متعلقہ پولیس حکام کو آگاہ کرنا ہوگا۔
انہوں نے بتایا کہ مجموعی طور پر 12069 پولنگ اسٹیشن میں سے 3174 کوحساس ترین، جبکہ4539کو حساس قرار دیا گیا ہے اور پولنگ اسٹیشن کے باہر اور اندر پولیس کے ساتھ آرمی بھی تعینات ہوگی۔
ان کا کہنا تھا کہ حال ہی میں عوامی نینشل پارٹی (اے این پی) کے رہنما ہارون بلو کی کارنر میٹنگ میں خودکش دھماکے کے بعد پشاور میں سیکیورٹی کے حوالے سے دوبارہ نظر ثانی کی گئی ہے۔
لائیو ٹی وی