فرحان سعید پی ٹی آئی کیلئے گانا گائیں گے
پاکستانی گلوکار و اداکار فرحان سعید بہت جلد پاکستان تحریک انصاف (پی ٹی آئی) کی انتخابی مہم 2018 کا آفیشل گانا گائیں گے۔
اس خبر کا اعلان گلوکار نے اپنے ٹوئٹر اکاؤنٹ پر کیا۔
گزشتہ روز فرحان سعید نے بنی گالا میں عمران خان سے ملاقات کی تھی۔
اس ملاقات کی تصاویر انہوں نے اپنی ٹویٹ میں شیئر کرنے کے ساتھ عمران خان کا شکریہ بھی ادا کیا۔
I am thankful to @ImranKhanPTI and #PTI for trusting me to sing their official song of #Elections2018 campaign. Further, I commend the efforts of PTI SMT & their support throughout. pic.twitter.com/QpTf5lut6W
— Farhan Saeed (@farhan_saeed) June 26, 2018
انہوں نے لکھا کہ ’میں عمران خان اور پی ٹی آئی کا شکریہ ادا کرتا ہوں جنہوں نے مجھ پر بھروسہ کیا کہ میں پارٹی کی انتخابی مہم کے لیے گانا گا سکوں‘۔
فرحان نے مزید لکھا کہ وہ پی ٹی آئی کی سوشل میڈیا ٹیم کی کوششوں اور سپورٹ کو بھی سراہتے ہیں۔
تحریک انصاف کے آفیشل ٹوئٹر اکاؤنٹ پر بھی اس خبر کو شیئر کرتے ہوئے اعلان کیا گیا کہ فرحان سعید پی ٹی آئی کی انتخابی مہم 2018 کا آفیشل گانا گانے جارہے ہیں۔
Ready for an uplifting #PTI song? @farhan_saeed will be the voice behind our official song for Elections 2018 campaign. ✌ pic.twitter.com/wOmsi8DlbY
— Tehreek-e-Insaf (@InsafPK) June 26, 2018
اب تک اس گانے کو ریلیز کرنے کی تاریخ کا اعلان نہیں کیا گیا۔
خیال رہے کہ جل بینڈ سے تعلق رکھنے والے فرحان سعید کئی کامیاب گانے گاچکے ہیں۔
گلوکاری کے ساتھ ساتھ انہوں نے اداکاری کے شعبے میں بھی خوب نام کمایا۔
حال ہی میں ریلیز ہوا ان کا ڈرامہ ’سنو چندا‘ سوشل میڈیا پر خوب مقبول ہوا۔
لائیو ٹی وی