منفی ریویوز کے باوجود ’ریس 3‘ باکس آفس پر کامیاب
بولی وڈ کے دبنگ اداکار سلمان خان نے جب ’ریس‘ سیریز میں کام کرنے کی حامی بھری، تو مداح اس فلم کے تیسرے حصے سے بہت سی امیدیں وابستہ کرنے لگے تھے، تاہم فلم کی ریلیز کے بعد سے اب تک تبصرہ نگاروں کی صرف منفی آراء ہی سامنے آتی رہی ہیں۔
سلمان خان کی فلم 15 جون 2018 کو بھارت سمیت دنیا بھر میں ریلیز ہوئی، تاہم پاکستان میں اسے 22 جون کو ریلیز کرنے کا فیصلہ کیا گیا ہے۔
فلم کی ریلیز کے بعد سامنے آنے والے تجزیوں کے مطابق فلم کی کہانی بےحد کمزور دکھائی دی، جبکہ اداکاروں کی اداکاری کو بھی تنقید کا نشانہ بنایا گیا۔
منفی ریویوز کے باوجود سلمان خان کی فلم ریس 3 نے اب تک باکس آفس پر شاندار کامیابی حاصل کرلی۔
فلم کے اپنی ریلیز کے 5 روز میں 137 کروڑ ہندوستانی روپے کا بزنس کرلیا۔
#Race3 puts up a STRONG TOTAL on Mon... Decline on Mon [vis-à-vis Fri: 51.18%]… Mass circuits/single screens are holding very well, while plexes have started sliding downwards... Fri 29.17 cr, Sat 38.14 cr, Sun 39.16 cr, Mon 14.24 cr. Total: ₹ 120.71 cr. India biz.
— taran adarsh (@taran_adarsh) June 19, 2018
خیال رہے کہ ریس سیریز میں سلمان خان نے سیف علی خان کی جگہ لی تھی، اس فلم سیریز کی کہانی ہمیشہ دھوکا دینے اور پیسے کمانے کے موضوع کے گرد گھومی۔
تاہم ریس 3 کے بارے میں بتایا جارہا ہے کہ سلمان خان نے اس کی کہانی کو بہت حد تک تبدیل کردیا، جس کے باعث ریس سیریز کا انداز بدل ھیا، اور یہی وجہ ہے کہ فلم کو شائقین کے منفی ریویوز ملے۔
کئی افراد نے سوشل میڈیا پر یہ بھی کہا کہ ریس 3 کا بزنس صرف اور صرف سلمان خان کی اسٹار پاور کی وجہ سے ہوا، البتہ فلم کی کہانی نہایت کمزور رہی۔
فلم ’ریس 3‘ میں سلمان خان کے علاوہ جیکولین فرنینڈز، انیل کپور، بوبی دیول اور ڈیزی شاہ نے اہم کردار ادا کیے۔
اب دیکھنا یہ ہے کہ ریس 3 پاکستان میں ریلیز کے بعد کیا کمال دکھائے گی۔
لائیو ٹی وی