لارڈز کے شیر، لیڈز میں ڈھیر
انگلینڈ نے پاکستان کو دوسرے ٹیسٹ میچ میں اننگز اور 55 رنز سے شکست دے کر سیریز 1-1 سے برابر کر کے پاکستان کا انگلینڈ میں 22 سال بعد سیریز جیتنے کا خواب چکنا چور کردیا۔
ہیڈنگلے، لیڈز میں کھیلے گئے سیریز کے دوسرے اور آخری ٹیسٹ میچ میں پاکستان نے انگلینڈ کے خلاف تاس جیت کر پہلے بیٹنگ کا فیصلہ کیا جو تباہ کن ثابت ہوا اور پوری ٹیم پہلی اننگز میں صرف 174 رنز بنا کر ڈھیر ہو گئی۔
جواب میں ڈراپ کیچ کی بدولت 80 رنز بنانے والے جوز بٹلر نے ناقابل شکست اننگز کھیل کر انگلینڈ کا اسکور 363 تک پہنچا کر پہلی اننگز میں 189 رنز کی بھارتی برتری دلائی۔
میچ کی دوسری اننگز میں پاکستانی بیٹنگ لائن کا حال مزید ابتر رہا اور پوری ٹیم صرف 134 رنز پر ڈھیر ہو گئی۔
انگلینڈ نے میچ میں اننگز اور 55 رنز سے کامیابی حاصل کی اور سیریز 1-1 سے برابر کردی۔
جو بٹلر کو میچ کا بہترین کھلاڑی قرار دیا گیا جبکہ محمد عباس 10 وکٹیں لینے پر سیریز کے بہترین کھلاڑی کا ایوارڈ لے اڑے۔
