پی ایس ایل کے پلے آف میں پشاور زلمی کی کوئٹہ گلیڈی ایٹرز کو شکست
قذافی اسٹیڈیم لاہور میں کھیلے گئے پاکستان سپرلیگ (پی ایس ایل) کے دوسرے پلے آف میں پشاور زلمی نے ایک سنسنی خیز مقابلے کے بعد کوئٹہ گلیڈی ایٹرز کو محض ایک رن سے شکست دے کر فائنل تک رسائی کی امیدوں کو بحال رکھا۔
پشاور زلمی نے پہلے بیٹنگ کرتے ہوئے 157 رنز بنائے اور کوئٹہ کو مقررہ اوورز میں جیت کے لیے 158 رنز کا ہدف دیا۔
بارش کے باعث تھوڑی دیر کے لیے میچ کو روکا گیا تاہم پشاورزلمی نے اچھی باؤلنگ کا مظاہرہ کیا جبکہ کوئٹہ کی جانب سے کپتان سرفراز اور محمد نواز کے علاوہ انور علی نے آخری اوور میں طوفانی بیٹنگ کرتے ہوئے ٹیم کو جیت کے قریب لایا۔
انور علی کی جانب سے آخری اوور کی ابتدائی 5 گیندوں میں 22 رنز حاصل کرنے کے باوجود آخری گیند میں دو رن بھی نہ بناسکے اور یوں ایک رن کے فرق سے ٹورنامنٹ سے باہر ہوگئے۔
