ڈاکٹرعبدالسلام کے مجسمے کی آئی اے ای اے مرکز میں نقاب کشائی
نوبل انعام یافتہ سائنس دان ڈاکٹرعبدالسلام کے مجسمے کی انٹرنیشنل اٹامک انرجی ایجنسی (آئی اے ای اے) کے مرکز ویانا میں نقاب کشائی کی گئی۔
دفتر خارجہ سے جاری اعلامیے کے مطابق آئی اے ای اے کے ڈائریکٹرجنرل یوکیا امانو نے ڈاکٹرعبدالسلام کے مجسمے کی نقاب کشائی کی۔
اعلامیے میں کہا گیا ہےکہ ڈاکٹرعبدالسلام کے مجسمے کو آئی اے ای اے کے مرکز میں ان نامور سائنس دانوں کے مجسموں کے ساتھ رکھا جائے گا جنھوں نے نیوکلیئرسائنس اور ٹیکنالوجی کے میدان میں نمایاں خدمات انجام دی ہیں۔
خیال رہے کہ ڈاکٹرعبدالسلام نوبل انعام حاصل کرنے والے پہلے پاکستانی تھے جنھیں 'ایٹم برائے امن' کی تشریح اور جدید دنیا کو سائنسی بنیادوں پر ترقی کے لیے معلومات دینے پر یہ اعزاز دیا گیا تھا۔
دفتر خارجہ کے بیان کے مطابق 'ڈاکٹر عبدالسلام نے امن، صحت اور استحکام کے لیے نیوکلیئر کے فائدہ مند استعمال کے حوالے سے آگاہی دی جس کو اہم مواقع پرتسلیم کیا گیا ہے'۔
ڈاکٹرعبدالسلام نے اس کے علاوہ اٹلی کے شہر تریستے میں انٹرنیشنل سینٹر فار تھیوریٹکل فزکس (آئی سی ٹی پی) کی بنیاد بھی رکھ دی تھی۔
آئی اے ای اے کی 61 ویں جنرل کانفرنس ویانا میں جاری ہے۔
لائیو ٹی وی