برمنگھم میں بھارت کی شاندار فتح
چیمپیئنز ٹرافی کے اہم میچ میں ہندوستان نے عمدہ بیٹنگ اور باؤلنگ کا مظاہرہ کرتے ہوئے پاکستان کو یکطرفہ مقابلے کے بعد 124 رنز سے شکست دے کر ایونٹ میں دو قیمتی پوائنٹ حاصل کر لیے۔
پہلے بیٹنگ کرنے والے بھارتی ٹیم کو اوپنرز نے عمدہ آغاز فراہم کیا جس کے بعد ویرات کوہلی اور یوراج سنگھ کی عمدہ بیٹنگ کی بدولت انڈین ٹیم 319 رنز کا مجموعہ بنانے میں کامیاب رہی۔
بارش سے متاثرہ میچ میں پاکستان کو 41 اوورز میں 289 رنز کا ہدف ملا جو پرانے انداز میں کھیلنے کیلئے شہرت رکھنے والی پاکستانی بیٹنگ لائن کیلئے ایک ناقابل یقین ہدف ثابت ہوا اور پوری ٹیم 164 رنز پر ڈھیر ہو گئی۔
