دنیا بھر میں موجود مسلمان اسلامی قمری سال کے تیسرے مہینے ربیع الاول کی 12 تاریخ کو رحمت اللعالمین، خاتم النبین، آقائے دو جہاں حضرت محمد مصطفیٰ ﷺ کا جشنِ ولادت مذہبی عقیدت و احترام سے مناتے ہیں۔
اس روز مختلف ممالک سے تعلق رکھنے والے افراد اپنی مقامی روایات کے مطابق حضور ﷺ سے اپنی محبت اور عقیدت کا اظہار کرتے ہیں۔
اس موقع پر مذہبی عقیدت کے ساتھ ساتھ مقامی رنگ بھی واضح نظر آتے ہیں۔
پاکستان میں اس موقع پر سبز جھنڈوں، برقی قمقوں سے گلی محلوں کو سجایا جاتا ہے، 12 ربیع الاول کے موقع پر درود و سلام اور محافل نعت کا اہتمام کیا جاتا ہے اور عقیدت مندوں میں کھانے پینے کی اشیاء بھی تقسیم کی جاتی ہیں۔
پاکستان
ملتان کے علاقے شجاع آباد کے رہائشی برقی قمقموں سے اپنی گلی کو سجانے میں مصروف ہیں—فوٹو: اے پی پی
عید میلاد النبی کے موقع پر بازاروں کو ماہ ربیع الاول کے آغاز سے ہی سجادیا جاتا ہے —فوٹو: اے ایف پی
لاہور میں بھی 12 ربیع الاول کے موقع پر رونق اور رنگ بکھرے دے جاسکتے ہیں—فوٹو:اے ایف پی
حضرت پیر صوفی محمد کے مزار پر ڈھائی ہزار کلو وزنی کیک کی تیاری کا منظر—اے پی پی
مقبوضہ کشمیر
سری نگر میں بھی جشنِ آمدِ رسولﷺ کی رونقوں کا سلسلہ جاری ہے—فوٹو: اے ایف پی
اس خاص موقع پر کشمیری روایتی کھانوں کی فروخت میں بھی اضافہ دیکھنے میں آتا ہے —فوٹو: اے ایف پی
عقیدت مندوں میں تقسیم کے لیے بڑی تعداد میں کشمیری روٹی تیار کی جاتی ہے —فوٹو: اے ایف پی
لبنان
lلبنانی شہری روایتی انداز میں عید میلاد النبی کے موقع عقیدت کا اظہار کرتے ہیں —فوٹو: اے ایف پی
لبنانی صوفی موسیقی اس موقع کا ایک خاص جز سمجھی جاتی ہے—فوٹو: اے ایف پی
خصوصی تقریب میں ایک لبنانی شہری کو جذب میں ڈوبا دیکھا جاسکتا ہے—فوٹو: اے ایف پی
یمن
یمنی شہری اکھٹے ہو کر عید میلاد النبیﷺ کی تقریبات مناتے ہیں—فوٹو: اے ایف پی
یمنی خواتین بھی 12 ربیع الاول کو نکالے جانے والے خصوصی جلوس کا حصہ بنتی ہیں —فوٹو: اے ایف پی
بڑوں کے ساتھ ساتھ بچوں کا جوش و خروش بھی دیدنی ہوتا ہے —فوٹو: اے ایف پی
افغانستان
افغانستان میں عید میلاد النبی کے موقع پر خاص دسترخوان سجائے جاتے ہیں—فوٹو: اے ایف پی
اس موقع پر افغانستان کے روایتی پکوان لوگوں میں تقسیم کے لیے تیار کیے جاتے ہیں—فوٹو: اے ایف پی
مصر
مصر میں عید میلاد النبی ﷺ کے موقع پر ہاتھ سے بنی چینی کی گڑیاں سجائی جاتی ہیں —فوٹو:اے پی
اس موقع پر گڑیوں کی فروخت میں خاصا اضافہ دیکھا جاتا ہے —اے پی
مصر میں روایتی بازار بھی پررونق دکھائی دیتے ہیں —فوٹو: اے پی
لائیو ٹی وی