پریتی زنٹا کی شادی کی تصاویر سامنے آگئیں
لاس اینجلس: بولی وڈ ڈمپل اداکارہ پریتی زنٹا نے بوائے فرینڈ جین گڈ اناف سے رواں سال 28 فروری کو امریکا میں خفیہ شادی کرلی تھی تاہم اس تقریب کی تصاویر منظر عام پر نہیں آئی تھیں۔
مداح طویل عرصے سے اپنی پسندیدہ اداکارہ کی شادی کی تصاویر دیکھنے کو بے تاب تھے جو آخر کار سوشل میڈیا پر شیئر کردی گئی ہیں۔
واضح رہے کہ پریتی زنٹا کی عمر 41 برس ہے، انہوں نے 23 سال کی عمر میں اپنی پہلی فلم ’دل سے‘ کی تھی۔
مزید پڑھیں: پریتی زنٹا کی خفیہ شادی؟
پریتی زنٹا اور جین گڈ اناف کی شادی کے دو بڑے ایونٹ رکھے گئے جن میں سے ایک لاس اینجلس جبکہ دوسرا ممبئی میں منعقد کیا گیا جس میں پریتی کے خاندان سمیت دوستوں نے بھی شرکت کی۔
واضح رہے کہ پریتی زنٹا سے قریبی ذرائع نے بتایا تھا کہ اپریل میں ممبئی میں اپنی شادی کی ایک تقریب رکھیں گی جہاں وہ شوبز شخصیات سے اپنے شوہر کو متعارف کرائیں گی جن میں سلمان خان، ہریتھیک روشن، ابھیشیک بچن وغیرہ شامل تھے۔
رپورٹ کے مطابق پریتی کی لاس اینجلس میں ہوئی شادی کی تقریب کی تمام تیاری ان کی والدہ نے کی تھی۔
لائیو ٹی وی