شاہد کپور کے گھر بیٹی کی پیدائش
بولی وڈ اسٹار شاہد کپور اور ان کی اہلیہ میرا کپور کے ہاں بیٹی کی پیدائش ہوئی ہے۔
شاہد کپور نے ٹوئٹر پر اپنے ایک پیغام کے ذریعے اس خبر کی تصدیق کی ہے۔
خیال رہے کہ شاہد اور میرا کپور کی شادی جولائی 2015 میں ہوئی تھی۔
مزید پڑھیں : شاہد کپور شادی کے بندھن میں بندھ گئے
شاہد کپور نے اپنے ٹوئٹر پیغام پر بیٹی کی پیدائش کا بتاتے ہوئے کہا 'خوشی کے اظہار کے لیے الفاظ نہیں مل رہے، آپ سب کی نیک خواہشات پر میں شکریہ ادا کرتا ہوں'۔
میرا کپور بچی کی پیدائش کے لیے 24 اگست کو ہسپتال میں داخل ہوئی تھیں۔
انڈین ایکسپریس کے مطابق ماں اور بیٹی صحت مند ہیں اور انہیں ایک یا دو روز میں گھر جانے کی اجازت مل جائے گی۔
35 سالہ شاہد کپور نے ایک ڈانسر کی حیثیت سے 1997 میں دل تو پاگل ہے، کے ذریعے بولی وڈ میں ڈیبیو کیا تھا، تاہم انہیں بطور ہیرو پہلی فلم میں کام کرنے کا موقع 2003 میں عشق وشق میں ملا، جس کے بعد فدا، دیوانے ہوئے پاگل، 36 چائنا ٹاﺅن، واوہ، جب وی میٹ، کمینے، حیدر اور اڑتا پنجاب جیسی ہٹ فلمیں بھی دیں۔
لائیو ٹی وی