2016 کے اب تک کے 10 بہترین اسمارٹ فونز

اسمارٹ فونز کی بات کی جائے تو تنوع کے لحاظ سے ہر طرح کی ڈیوائسز دستیاب ہیں جن میں سے کسی کو بہترین قرار دینا بہت مشکل ہے۔

تاہم معروف سرچ انجن یاہو نے 2016 کے اب تک کے سب سے بہترین 10 اسمارٹ فونز کی فہرست مرتب کی ہے۔

یاہو کے مقبول ان فونز کا انتخاب ان کے فیچرز اور مقبولیت کی بنیاد پر ہوا ہے۔

10 ۔ ژاﺅمی ریڈمی

چینی کمپنی کا یہ فون دنیا بھر میں تہلکہ مچا چکا ہے جس کی وجہ بہت کم قیمت کے باوجود لگ بھگ آئی فون جیسے فیچرز ہیں جبکہ 16 جی بی میموری، 2 جی بی ریم وغیرہ۔

9 ۔ موٹو ایکس پیور

یہ فون چلتا تو اینڈرائیڈ کے کافی پرانے کٹ کیٹ ورژن پر ہے مگر اسے اینڈرائیڈ مارش میلو سے اپ گریڈ کیا جاسکتا ہے اور یہی چیز اسے اس فہرست کا حصہ بنا گئی ہے۔

8 ۔ ایل جی نیکسز فائیو ایکس

گوگل کے اشتراک سے ایل جی کا تیار کردہ یہ فون بھی گزشتہ سال متعارف کرایا گیا تھا، جو کم قیمت میں بہتر جی بی اور انٹرنل میموری جیسے فیچرز کے ساتھ بہترین ہے۔

7 ۔ سام سنگ گلیکسی ایس سکس

گشتہ سال کا فون بھی حیرت انگیز طور پر اس فہرست کا حصہ ہے جس کی وجہ یاہو نے اس کی تھری جی بی ریم کو قرار دیا ہے جو ویب براﺅزنگ کا تجربہ بہترین بناتی ہے۔

6 ۔ سونی زیپریا زی فائیو

23 میگا پکسلز رئیر اور 5 میگا پکسلز فرنٹ کیمرے کے ساتھ یہ فوٹو گرافی کے شوقین افراد کے لیے بہترین فون ہے۔

5 ۔ سام سنگ گلیکسی نوٹ 5

سام سنگ کا فیبلیٹ اسمارٹ فون جس کی ایج اسکرین ٹیکنالوجی نے ایپل تک کو دنگ کردیا تھا، 5.7 انچ اسکرین کے ساتھ 2کے امولیڈ ملٹی کیپیسٹی ٹچ اسکرین اسمارٹ اسٹائلوس یا ایس پین کے ساتھ بھی کام کرتی ہے۔

4 ۔ ہیواوے نیکسز سکس پی

گوگل کے اشتراک سے چینی کمپنی کی جانب سے تیار کردہ یہ فون اینڈرائیڈ مارش میلو آپریٹنگ سسٹم کے ساتھ متعارف ہونے والا پہلا فون تھا جو گزشتہ سال ہی پیش کیا گیا تھا۔

3 ۔ ایل جی جی فائیو

دنیا کا پہلا ماڈیولر فون جس میں آپ اپنی پسند کی ایسیسریز کو جب دل کرے لگاسکتے ہیں، جبکہ اینڈرائیڈ 6.0 مارش میلو کے ساتھ یہ گوگل آپریٹنگ سسٹم کے نئے فیچرز سے لیس ہے۔ 16 میگا پکسلز اور 8 میگا پکسلز ڈوئل کیمروں کے ساتھ اس کی فوٹوگرافی دنگ کردینے والی ہوتی ہے۔

2 ۔ آئی فون سکس ایس

ویسے یہ فون ریلیز تو ستمبر 2015 میں ہوا تھا مگر یہ فیچرز کی بدولت دوسرے نمبر پر موجود ہے، تھری ڈی ٹچ، ڈوئل ڈومین پکسلز اور فنگر پرنٹ سنسر وغیرہ۔ ایپل کا یہ فون ہر لحاظ سے لوگوں کو پسند آیا ہے۔

1 ۔ سام سنگ گلیکسی ایس سیون

یہ 4 جی اسمارٹ فون 32 جی بی انٹرنل میموری اور 4 جی بی ریم کے ساتھ ہے جبکہ اسے پانی میں گرنے سے بھی کچھ نہیں ہوتا یعنی اسے پانچ میٹر گہرے پانی میں آدھے گھنٹے تک رکھا جاسکتا ہے، اس فون کو رواں سال فروری میں متعارف کرایا گیا اور اب تک یہ ریکارڈ تعداد میں فروخت ہوا ہے۔