بہاولپور میں 10 روزہ ہاکی کیمپ کا اختتام
صوبہ پنجاب کے شہر بہاولپور میں انڈر 16 ہاکی کیمپ کا گزشتہ روز اختتام ہوگیا۔
اس کیمپ میں احمد پور شرفیہ، یزمان ، سمہ سٹہ، بہاولپور، لودھراں اور ملتان کے کم عمر اور باصلاحیت کھلاڑیوں نے شرکت کی۔
دس روز جاری رہنے والے اس کیمپ میں 10 سے 16 سال کی عمر کے بچوں کو ہاکی کے ماہر کھلاڑیوں نے گر سکھائے۔
اس موقع پر ہاکی کے فروغ کیلئے اسکولوں کے پی ٹی اساتذہ کو بھی تین روزہ ریفریشر کورس کرایاگیا۔
آخری روز پاکستان ہاکی فیڈریشن کے ڈائریکٹر ڈویلپمنٹ اولمپئن نویدعالم اورسیکرٹری پنجاب ہاکی ایسوسی ایشن کرنل( ر) آصف کھوکھر نے دورہ کیا۔
اولمپئن نویدعالم نے قومی ٹیم کو پہلے کی طرح پاک آرمی کی مدد سے تربیت دینے کی تجویز دی۔
ان کا کہنا تھا کہ ہاکی کے کھیل کو دوبارہ زندہ کرنے کیلئے بہاولپور جیسے کیمپ تمام شہریوں میں لگائے جائیں گے۔
لائیو ٹی وی