پاکستان کے جنوبی صوبہ سندھ میں دنیا کا ایک سب سے بڑا قبرستان واقع ہے جسے مکلی قبرستان کہتے ہیں، تقریباً 8 کلومیٹر تک پھیلے اس قبرستان میں شاہی خاندان کے افراد، صوفی بزرگوں اور دیگر اشخاص کے 5 لاکھ کے قریب مقبرے اور قبریں موجود ہیں۔

مشہور بادشاہ، رانیاں، گورنر، صوفی بزرگ اور فلسفی اینٹ یا پتھر سے بنے مقبروں میں یہاں مدفن ہیں۔ اس شہر خموشاں میں موجود انوکھی طرز تعمیر دیکھنے کو ملتی ہیں، ان میں موجود پیچیدہ ڈزائین، کشیدہ کاری اور پتھر پر کام اس طرز تعمیر کو ایک غیر معمولی اہمیت کا حامل بنا دیتی ہے۔

عبادت کے لیے مکلی کو ایک مقدس جگہ قائم کرنے میں مرکزی سہرا سما شاہی گھرانے کو جاتا ہے، جب جام تماچی نے یہاں ایک مسجد تعمیر کروانے کا حکم دیا تھا۔

پتھروں سے بنے عمدہ مقبروں میں سے جام نظام الدین دوم کے مقبرے ہیں، جنہوں نے 1461 سے 1509 تک حکومت کی۔ یہ ایک غیر معمولی عمارت تقریباً ایک کیوب یا مکعب کی طرز پر تعمیر کی گئی ہے۔

مکلی پر موجود مقبروں پر مقدس قرآنی آیات کنندہ کی گئی ہیں۔ مردوں کی قبروں پر پتھر پر کشیدہ کاری کر کے اسلحہ، چاقو اور تلواریں بنائی گئیں ہیں، جبکہ خواتین کی قبروں پر اس کے برعکس زیورارت کے نقوش اور بلاک پرنٹنگ سے آراستہ کیا گیا ہے۔

مقامی آب ہوا کے حالات اور دریا کا رخ تبدیل ہونے کی وجہ سے اس جگہ کو پہنچنے والے غیر معمولی نقصان سے اس جگہ کی سالمیت کو خطرہ بڑھ گیا ہے۔

آج مکلی یونیسکو ورلڈ ہیریٹج سائیٹ ہے مگر اب بھی اس شاندار قبرستان کو محفوظ بنانے اور اس دیکھ بھال کی انتہائی ضرورت ہے۔

سید کمیل حسن فلم گریجوئٹ اور فری لانس فوٹو گرافر ہیں، وہ ڈان ڈاٹ کام کی انسٹا گرام کمیونٹی کا حصہ بھی ہیں۔ اگر آپ ہماری کمیونٹی حصہ بننا چاہتے ہیں تو ہمیں یہاں فالو کریں اور اپنی تصاویر #dawndotcom کے ساتھ ٹیگ کریں۔ کمیل حسن کو انسٹا گرام پر یہاں سے فالو کیا جاسکتا ہے۔