نرگس فخری پاکستان میں کام کی خواہشمند
امریکی نژاد بالی وڈ اداکارہ نرگس فخری نے پاکستان کی انٹرٹینمنٹ انڈسٹری میں کام کرنے کی خواہش کا اظہار کیا ہے۔
انڈین خبر رساں ادارے آئی اے این ایس کو ای میل پر انٹرویو دیتے ہوئے نرگس فخری نے کہا کہ ایک ایسے وقت میں جب نسل اور ثقافت کی تفریق اپنے عروج پر ہے وہ سرحد کے دوسری جانب بھی کام کرنا چاہیں گی۔
ان کا کہنا تھا کہ وہ یہ پیغام دینا چاہتی ہیں کہ ہم سب اندر سے ایک ہیں اور مل کر کام کرنے سے ہی آگے بڑھا جا سکتا ہے۔
نرگس فخری کے والد پاکستانی جب کہ والدہ انگریز تھیں۔ انہوں نے 2005 میں بطور ماڈل اپنے کریئر کا آغاز کیا اور فلم 'راک اسٹار' کے بعد انہوں نے 'میں تیرا ہوں' اور مدراس کیفے جیسی فلموں میں بھی کام کیا۔
پاکستانی انڈسٹری میں کام کے حوالے ایک سوال کے جواب میں نرگس فخری کا کہنا تھا کہ اس امکان کو مسترد نہیں کیا جا سکتا، ان کے اندر بھی پاکستانی خون موجود ہے اور وہ ہمیشہ پاکستان جانے کے مواقعوں کی تلاش میں ہیں۔
فلم 'اظہر' میں سابق کرکٹر اظہرالدین کی دوسری بیوی سنگیتا بجلانی کا کردار ادا کرنے والی نرگس فخری کا ماننا ہے کہ اسٹار بننے کے ساتھ ذمہ داری بھی بڑھ جاتی ہے۔
ان کا کہنا تھا کہ بطور اداکار ان کے پاس ایک ایسا پلیٹ فارم موجود ہے جہاں سے وہ مثبت پیغام پھیلا سکتی ہے اور اسی طرح لوگوں میں اپنا اثرو رسوخ استعمال کر سکتی ہیں۔
فلم اظہر کے بعد وہ 'ہاؤس فلم 3 ' اور 'بانجو' میں بھی نظر آئیں گی۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی
تبصرے (2) بند ہیں