الواریز کے ہاتھوں عامر خان ناک آؤٹ
کنیلو الواریز نے پاکستانی نژاد برطانوی باکسر عامر خان کو ورلڈ باکسنگ کونسل کے مڈل ویٹ بیلٹ مقابلے میں ناک آؤٹ کردیا۔
لاس اینجلس: میکسکو کے کنیلو الواریز نے پاکستانی نژاد برطانوی باکسر عامر خان کو ہفتے کو ہونے والے مقابلے میں ناک آؤٹ کر کے ورلڈ باکسنگ کونسل کے مڈل ویٹ بیلٹ کا کامیابی سے دفاع کیا۔
امریکا کی ریاست لاس ویگاس میں 25 سالہ کنیلو الوریز اور 29 سالہ عامر خان کے درمیان 12 راونڈز کے مقابلے کا فیصلہ 6 رائونڈ میں ہی ہو گیا۔
میچ کے چھٹے راؤنڈ کے اختتام سے 23 سیکنڈ قبل میکسیکن باکسر نے ایک زوردار پنچ کے ساتھ ہی عامر کو ڈھیر کر کے ناک آؤٹ کرنے کے ساتھ ساتھ اپنے ٹائٹل کا کامیابی سے دفاع کیا۔
