سرخ رنگ، منفرد ڈیزائن، چین کا دلچسپ فیشن شو
بیجنگ: چین کے دارالحکومت میں دلچسپ اور منفرد فیشن شو منعقد کیا گیا جسے دیکھنے کے بعد شائقین پر لطف ہونے کے ساتھ ساتھ خوفزدہ بھی نظر آئے۔
چین کے مقبول ڈیزائنر شیگنگ ہو نے اس دوران اپنی دلچسپ کلیکشن پیش کی جس میں تمام ماڈلز سرخ ملبوسات پہنی تھی۔
اس کلیکشن میں سب سے دلچسپ اور عجیب بات یہ تھی کہ ریمپ پر چلنے والی ماڈلز نے اپنے چہروں پر بھی سرخ رنگ لگایا ہوا تھا۔
45 سالہ ڈیزائنر شیگنگ ہو چین کے ساتھ ساتھ دنیا بھر میں اپنے منفرد ملبوسات کے لیے جانے جاتے ہیں۔
شیگنگ ہو 16 سال کی عمر میں یورپ گئے جہاں تعلیمی اخراجات پورے کرنے کے لیے پارٹ ٹائم نوکری بھی کیا۔
فیشن ڈیزائننگ کی تعلیم حاصل کرنے کے بعد انہوں نے 1 سال میں 45 فیشن شوز منعقد کیے، اپنی زندگی کے 25 سال باہر گزارنے کے بعد وہ 4 سال قبل چین واپس آئے۔
ڈیزائنر شیگنگ ہو نے اپنے کیرئیر میں ایک بار نیدرلینڈ کی ملکہ کے لیے بھی لباس تیار کیا تھا جس کے ساتھ ساتھ وہ مقبول کینز فیسٹیول میں بھی مشہور شخصیات کے لیے بہترین ملبوسات ڈیزائن کرچکے ہیں۔
