'دپیکا اور رنویر کا منگنی کا فیصلہ'
بولی وڈ کے اداکار رنویر سنگھ اور خوبصورت اداکارہ دپیکا پڈوکون کے درمیان رومانوی تعلقات کی ایک عرصے سے زیر گردش خبروں کے بعد اب اطلاعات ہیں کہ دونوں اسٹارز نے آئندہ برس منگنی کرنے کا فیصلہ کر لیا ہے ۔
بولی وڈ لائف کے مطابق حال ہی میں دپیکا اور رنویر کے گھر والوں کی ملاقات ہوئی جس کے بعد انہوں نے دونوں کی فروری 2016 میں منگنی کا فیصلہ کیا ہے ۔
یاد رہے کہ آئیفا ایوارڈز میں رنویر سنگھ نے سب کے سامنے دپیکا کو اپنے گھٹنوں پر بیٹھ کر پھول پیش کیے تھے جس کے بعد ساتھی میزبان ارجن کپور نے دپیکا کو 'بھابی' کہہ کر بھی مخاطب کیا تھا۔
 |
| فوٹو بشکریہ — آئیفا فیس بک |
رنویر سنگھ کا اپنی شادی کے حوالے کہنا ہے کہ وہ اس جولائی میں 30 برس کے ہوجائیں گے اور عمر کے اس دور میں انہیں ایک پرسکون زندگی کی خواہش ہے۔ ان کا مزید کہنا تھا کہ گزشتہ تین سالوں سے ان کی شادی کے حوالے سے رائے کافی حد تک بدل چکی ہے اور اب ان کا مقصد صرف ایک اچھا خاندان بنانا ہے۔
رنویر اور دپیکا نے کبھی اپنے درمیان کے رشتے کے حوالے سے کوئی بات نہیں کی البتہ دونوں اداکاروں کو متعدد بار ایک ساتھ دیکھا جاچکا ہے۔
لائیو ٹی وی