جمہوری قوتوں نے پارلیمان کی مضبوطی کا پیغام دیا ہے، اچکزئی
کوئٹہ:پشتونخوا ملی عوامی پارٹی کے سربراہ محمو د خان اچکزئی نے کہا کہ جمہوری قوتوں نے آئین اور پارلیمنٹ کو مضبوط کر کے پوری دنیا کو مثبت پیغام دیا ہے۔
کوئٹہ پریس کلب کے پروگرام حال احوال میں اظہار خیال کرتے ہوئے محمود خان اچکزئی نے کہا کہ کوئی ہمیں نہ سکھائے کہ جمہوریت اور جزبہ حریت کیا ہے یہ ملک پشتون، بلوچ اکا برین کی قربانیوں کا مقروض ہے۔
ان کا کہنا تھا کہ ڈنڈے کی سیاست کرنے والے اس وقت کہاں تھے جب انگریز یہاں قابض تھا، قیام پاکستان کے بعد 9سال تک یہ ملک بے آئین رہا اب اگر کسی نے آئین کو چھیڑنے کی کوشش کی تو جو ہوگا ہم اس کے ذمہ دارہم نہیں ہوں گے۔
انہوں نے کہا کہ ملک میں ناانصافی جاری ہے اور بےانصافی سے نفریتیں جنم لیتی ہے ۔
محمود خان اچکزئی نے کہا کہ پشتون ،بلوچ، سندھی اور سرائیکی اقوام کو اپنی زبان،ثقافت ،وسائل پر حق کی آئنی ضمانت دی جائے تو پاکستان میں قیامت تک اکھٹے رہیں گے۔
پختونخوا ملی عوامی پارٹی کے سربراہ کا کہنا تھا کہ اسلام آباد دھرنے میں بیٹھے لوگ اخلاقیات سے گری زبان استعمال کر رہے ہیں باعزت واپسی کا راستہ ان کو دیا جاتا ہے جو کہے کہ میں غلطی سے آیا ہوں یہ تو سوچ سمجھ کر آئے ہیں۔
افغانستان میں نئی حکومت اور اس کے پاکستان پر اثرات کے حوالے سے محمود خان اچکزئی نے کہا کہ صدر پاکستان کی سربراہی میں افغانستان جانے والی ٹیم سے مستقبل میں مثبت اثرات مرتب ہوں گے۔
لائیو ٹی وی