‫لولی وڈ میں تنازعات کی زد میں رہنے والی اداکار میرا نے پاکستان تحریک انصاف کے چیئرمین عمران خان کو شادی کی پیشکش کردی۔

میرا نے نئے پاکستان میں عمران خان کو نیا وزیراعظم دیکھنے کی خواہش کا بھی اظہار کر دیا اور کہا کہ عمران خان بہت وجیہہ شخصیت کے مالک ہیں۔

دبئی میں میڈیا سے بات کرتے ہوئے میرا کے بقول اگر وہ مجھے شادی کی پیشکش کریں گے تو میں فوری حامی بھرلوں گی۔

میرا نے تو نہ صرف پی ٹی آئی سربراہ سے شادی کی خواہش کا اظہار کیا بلکہ ممکنہ شادی کے لباس بھی بتاتے ہوئے ڈیزائنر تک کا نام بھی بتا دیا۔

دلچسپ بات یہ ہے کہ گزشتہ سال کے عام انتخابات میں لاہور کے حلقے سے میرا نے عمران خان کے مقابلے میں کسی نامعلوم پارٹی کے ٹکٹ پر الیکشن لڑا تھا تاہم یہ نشست نہ تو عمران خان جیت سکے اور نہ میرا بلکہ ن لیگ کے ایاز صادق کامیاب قرار پائے۔‬

واضح رہے کہ میرا ویسے بھی شہ سرخیوں کی زینت بنتی رہتی ہیں ان کے لیے یہ کوئی نئی بات نہیں تاہم اس بار ان کا شوشہ کیا رنگ لاتا ہے اس کا تو انتطار کرنا پڑے گا۔