اسلام آباد: گیس سلینڈر کا دھماکا، 5 افراد زخمی
اسلام آباد: دارالحکومت اسلام آباد میں منگل کی رات ایک ہوٹل میں گیس سلینڈر کے دھماکے سے کم سے کم پانچ افراد زخمی ہوگئے۔
ڈان نیوز ٹی وی کے مطابق تھانہ مارگلہ کے معروف تجارتی مرکز کراچی کمپنی میں واقع ایک ہوٹل میں زور دار دھماکہ ہوا، جس سے عمارت کو بھی شدید نقصان پہنچا ہے۔
دھماکے کی اطلاع ملتے ہی پولیس اور بم ڈسپوزل اسکواڈ کا عملہ جائے وقوعہ پر پہنچ گیا، جبکہ امدادی کارکنوں نے زخمیوں کو فوری طور پر قریبی ہسپتال منتقل کردیا۔
کچھ عینی شاہدین نے بتایا کہ دھماکے سے ہوٹل کی عمارت مکمل طور پر تباہ ہوگئی۔
لائیو ٹی وی