یہ بات کہتے ہوئے دل خون کے آنسو روتا ہے کہ ملک میں کسی کی عزت و آبرو اور ضان و مال محفوظ نہیں ، کہیں بازار چلے جائیں یا دفاتر میں اپنے فرائض کی انجام دہی یا بچوں کا پیٹ بھرنے کے لئے کوئی مزدوری کرنے ، ہر وقت دل کو یہ خوف ہی محسوس ہوتا رہتا ہے کہ ابھی سانسیں ختم ہوئیں ۔ لیکن یہ کیا ہے کہ اس ملک میں تفرقہ بازی اتنی ہو گئی کہ اس نے لوگوں کے دلوں میں نفرتوں کے بیج بو دیئے ۔ کوئی نعت پڑھ رہا ہو یا نوحہ گری اپنے اپنے عقیدے کے مطابق سب ٹھیک کر رہے ہیں لیکن پتہ نہیں تفرقہ پھیلانے والے اسے بدعت اور خلاف شریعت کیوں قرار دیتے ہیں اور تو اور غیر مسلموں کو بھی نہیں بخشا گیا جن کے بارے مٰں پیغمبر اسلام نے بھرپور تاکید کی یہ کیسے مسلمان ہیں جنہوں نے مسلمانوں کو ہی مارنے کا ٹھیکہ لے رکھا ہے ؟ کوئی ان سے یہ تو پوچھے کہ جس رسول کے نواسے کا شیعہ برادری ماتم اپنے سینوں پر کرتی ہے اسی رسول کے تم کلمہ گوہ ہو جس نے کہا تھا کہ حسین مجھ سے اور مٰیں حسین سے ہوں جس نے حسین کو اذیت دی اس نے مجھے اذیت دی ، تو کیا اتنے حسینیوں کو دن رات قتل کردینے سے تمیھں جنت مل جائے گی یا رسول خوش ہوں گے ؟ ابھی بھی سوچنے کا وقت ہے کہ کون سنی شیعہ کو آپس میں لڑوا رہا ہے ؟ کیا پاکستان بنانے کے لیے شیعوں نے سنیوں کے شانہ بشانہ قربانی نہیں دی تو پھر ان پر عرصہ حیات کیوں تنگ کیا جا رہا ہے ؟ مجھے تو لگتا ہے کہ ہزارہ برداری کو مارنے والے وہی لوگ ہیں جو کربلا کے میدان میں اللہ اکبر کا نعرہ مارتے ہوئے آل رسول کو شہید کرتے رہے ، خواہ ان کی نسل وقت کے کسی بھی یزید کی ہو ۔۔۔۔۔۔۔۔۔