لاہور اور سیالکوٹ میں مکانوں کی چھتیں گرنے سے آٹھ ہلاک
لاہور: صوبہ پنجاب کے مختلف شہروں میں پری مون سون بارشوں کا سلسلہ جاری ہے، جبکہ گزشتہ رات لاہور اور سیالکوٹ میں بار کے باعث مکانوں کی چھتیں گرنے سے دو خواتین اور چھ بچے ہلاک ہوگئے۔
لاہور میں رنگ روڈ کے قریب زیرتعمیر فیکٹری کی دیوار گھر کی چھت پر گرنے سے ایک ہی خاندان کے پانچ افراد ملبے تلے دب گئے۔
مقامی افراد اور ریسکیو ٹیموں نے موقع پر پہنچ کر ملبے تلے دبے افراد کو نکالا۔
اس واقعہ میں ایک بچہ اور ایک خاتون ہلاک، جبکہ ایک خاتون سمیت دو افراد زخمی ہوگئے۔ اسی دوران سیالکوٹ کے چائنہ چوک میں بھی شدید بارش کے باعث کچے مکان کی چھت گر گئی جس سے وہاں موجود دس افراد ملبے تلے دب گئے۔
رسیکیو اہلکاروں نے ماں اور پانچ بچوں کی لاشوں کو ملبے سے نکال لیا۔ ہلاک ہونے والی خاتون کے شوہر اور اس کے تین بچوں کو زخمی حالت میں اسپتال منتقل کردیا گیا۔
لائیو ٹی وی