دنیا بھر میں 'بلڈ مون' کا نظارہ
ماہرین فلکیات کا کہنا ہے کہ آج زمین، چاند، سورج اور مریخ کے بیک وقت ایک دوسرے کے سامنے آنے پر ’خونی چاند گرہن‘ پاکستان، آسٹریلیا، تسمانیہ اور ویلز سمیت دنیا کے کئی ممالک میں دیکھا جا سکے گا۔
اس دوران چاند کا رنگ نارنجی سے کتھئی اور پھر سرخ ہو جاتا ہے، اس طرح کے رنگ والے چاند گرہن کو خونی چاند بھی کہا جاتا ہے۔
یاد رہے کہ اس سے قبل امریکی ادارے ناسا نے بھی 2014 اور 2015 میں ’بلڈ مون‘ کی تصدیق کرتے ہوئے کہا تھا کہ چاند گرہن 8 اکتوبر کو دیکھا جا سکے گا۔
بعض حلقوں کا کہنا ہے کہ چاند کا انتہائی سرخ نظر آنا خوف کی علامت ہوتا ہے اور اس کے نظر آنے پر زمین پر کوئی بڑی تباہی پیش آ سکتی ہے، چاند کا انتہائی سرخ ہو جانا ’خونی تبدیلیوں‘ کا مشابہہ بھی سمجھا جاتا ہے۔
