بھکر: بھکر میں مُردوں کا گوشت کھانے پر سزا پانے والے بھائیوں نے دوبارہ انسانی گوشت کھانا شروع کردیا ہے۔

ڈان نیوز کے مطابق پولیس نے فوری کارروائی کرکے ایک ملزم کو گرفتار کرکے بچے کے اعضاء برآمد کرلیے اور دونوں بھائیوں کے خلاف مقدمہ درج کرلیا گیا ہے۔

پولیس کا کہنا ہے کہ ملزم نے دوران تفتیش بچے کا گوشت کھانے کا اعتراف کیا ہے۔

عارف اور اس کے بھائی کو تین سال پہلے بھی مردہ انسانوں کا گوشت کھانے پر دو سال قید ہوچکی ہے ایک سال پہلے دونوں بھائی رہا ہوئے تھے۔

پولیس کا کہنا ہے ملزمان نے جیل سے سزا پوری ہونے کے بعد دوبارہ انسانی گوشت کھانا شروع کردیا۔

عارف کا دوسرا بھائی فرار ہوچکا ہے۔تھانہ صدر دریا خان پولیس نے دونوں بھائیوں کے خلاف مقدمہ درج کرلیا ہے اور فرار ہونے والے ایک ملزم کی گرفتاری کیلئے چھاپے مارے جارہے ہیں۔

پاکستان نے انسانی گوشت کھانے کے حوالے سے کوئی قانون موجود نہیں ہے۔

وزیراعلیٰ پنجاب شہبازشریف نے ڈی پی او بھکر سے واقعے کی رپورٹ طلب کرلی ہے۔