حماس اور اسرائیل کے درمیان 7 اکتوبر سے جاری جنگ کے دوران 4 روزہ وقفے کے پہلے روز اپنے اور وطن سے بے دخل ہونے والے فلسطینیوں کی غزہ واپسی کا عمل شروع ہوگیا اور فلسطینی اپنے بچے کچھے سامان لیے غزہ کی سڑکوں پر اپنے تباہ حال گھروں کی جانب رواں دواں ہوئے۔

جنوبی غزہ کے علاقے خان یونس میں سڑکیں لوگوں سے بھر چکی تھیں جہاں شہری گھروں اور پناہ گاہوں سے باہر نکل آئے تھے جہاں تباہ عمارتوں کے ملبے کا ڈھیر جمع ہو چکا ہے، بے گھر ہونے والے خاندانوں کے افراد اپنے بچوں اور بزرگوں کے ساتھ واپس آرہے تھے اور ان کے ہاتھوں میں مختلف سامان تھا۔

غزہ کے شہری 7 اکتوبر کو اسرائیل کی جانب سے شروع ہونے والی بمباری کے بعد دی گئی وارننگ کے تحت مختلف اوقات میں اپنے گھر اور علاقے خالی کرکے محفوظ مقامات کی تلاش میں نکلے تھے اور وہ پناگاہوں اور مہاجر کیمپوں اور ہسپتالوں میں پناہ لینے پر مجبور ہوگئے تھے۔